Татарстанның кайбер районнарында гаиләләрне җир кишәрлекләре белән тәэмин итүдә җитешсезлекләр ачыкланган

“Күп балалы гаиләләр өчен җир кишәрлеге бирү мәсьәләләре актуаль булып кала бирә. Әлеге ярдәм чарасы гамәлдә булган чорда исемлеккә 72 271 күпбалалы гаилә кергән, узган елның декабрь ахырына 55 439 гаилә җир кишәрлекләре белән тәэмин ителгән”, - ди ассызыклап үтте ул. 
2025 елда республиканың җиде муниципаль районында җир кишәрлекләре бирү тәртибе җентекләп өйрәнелгән. 
- Шунысын билгеләп үтәргә кирәк, муниципаль берәмлекләрдә гаиләләрне җир кишәрлекләре белән тәэмин итү буенча гаять зур эш алып барыла. Мониторинг барышында без кайбер җитешсезлекләрне билгеләдек: әйтик, Кукмара районында кишәрлекләрне бүлгәндә чиратны бозулар ачыкланды; Түбән Кама, Әлмәт һәм Яшел Үзән районнарында гаризалар буенча карарлар кабул итүнең билгеләнгән (30 көнлек) срогыннан артып китү очраклары теркәлде; Әлмәт районында гариза бирүчеләргә исемлектән төшереп калдыру яки җир бирүдән баш тарту турында хәбәр итүнең җиде көнлек срогы үтәлмәве ачыкланды, - диде ул.