Татарстанның тагын бер районында юл түләүле булачак

Бу хакта «Коммерсант»ка биргән интервьюсында компания башлыгы Вячеслав петушенко сөйләгән.

Юлларны «Автодор» га тапшырганнан соң компания аларны куркынычсызлык элементлары: барьер киртәләре, хайваннардан саклану челтәрләре һәм өстәмә яктырту белән тәэмин итәчәк. Урау участокларда йөрү өчен түләүле режим кертеләчәк, ә трассаның калган өлешләре бушлай хәрәкәт итүне саклап калачак.

Петушенко аңлатканча, түләүле юл системасын кертү Федераль закон таләп иткән бушлай альтернатива булганда гына мөмкин. Чаллы, Түбән Кама һәм биш башкорт авылын әйләнеп чыгу шушы шартка туры килә, ә М-12нең башка участокларында андый мөмкинлек юк.

«Теоретик яктан альтернатива булып төбәк юллары саналырга мөмкин, ләкин әгәр бөтен ташкынны шунда юнәлтсәң, җирле челтәр тиз арада яраксыз хәлгә киләчәк. Без моңа юл куя алмыйбыз», - дигән "Автодор" башлыгы.

Трасса участоклары якын арада тапшырылырга тиеш, шуннан соң компания аларны җиһазландыруга һәм түләүләр алу системасын оештыруга керешәчәк.
Озынлыгы 81 чакрым булган 1 категорияле дүрт полосалы трасса моннан бер ел элек файдалануга тапшырылган иде. Аны өч ел төзегәннәр, төзелешкә 79 млрд сум тотылган.