«Татмедиа» MAX-та төбәк ММЧ рейтингында абсолют лидер булды

Бу хакта New Media телеграм-каналында бастырылган maxdash аналитик сервисы мәгълүматлары раслый.

Тикшеренүләр күрсәткәнчә, «Татмедиа» 645 балл җыеп, төбәк телеканаллары арасында цитаталар индексы буенча абсолют лидер булган. Бу күрсәткеч якындагы көндәшләреннән шактый югары: икенче урында — Чиләбенең «Көньяк Урал» КСКК каналы (357 балл), өченче урында — Краснодарның «Кубань» КСКК каналы (284 балл).

Моннан тыш, республика холдингы «канал авырлыгы» күрсәткече буенча да беренчелекне алды. Әлеге комплекслы индекс цитаталар дәрәҗәсен һәм аудиториянең җәлеп ителүен (ERR48) исәпкә алып билгеләнә. «Татмедиа»ның гомуми нәтиҗәсе — 18 750 балл. Бу аңа Краснодарның «Кубань» (14 961) һәм «Кубань 24» (13 761) каналларын артта калдырырга мөмкинлек бирде.

Аудитория активлыгы буенча Татарстанның тагын бер вәкиле — «ТНВ Татарча» каналы да югары нәтиҗә күрсәтте. Ул ER48 күрсәткече буенча 58,21% белән икенче урынны алды, бары тик «Сочи 24» каналыннан (69,10%) гына калышты.

Ә язылучылар саны буенча лидерлык Мәскәү һәм Мәскәү өлкәсе каналларында: «360» — 62,7 мең, «Мәскәү 24» — 58,4 мең язылучы.

Шунысы да игътибарга лаек: хәзерге вакытта «Татмедиа» MAX-каналында яңа iPhone 17 Pro уены бара. Анда каналның барлык язылучылары да катнаша ала.

Татарстан медиасы цифрлы мәйданда да лидерлыкны саклый.