Тимур Камалетдинов Путин белән Миңнеханов очрашуы турында

Республика икътисадындагы югары үсеш күрсәткечләре, федераль үзәк куйган социаль бурычларны үтәү — Татарстанның уңышлы үсешенең һәм ил җитәкчелегенең республикабыз җитәкчелегенә уңай мөнәсәбәтенең нигезе. Россия Президенты Владимир Путин белән Татарстан Рәисе Рөстәм Миңнехановның очрашуы турында фикерен «Татар-информ»га җиденче чакырылыш ТР Дәүләт Советы депутаты, Россия хәрби-тарихи җәмгыятенең Татарстан төбәк бүлеге башкарма директоры, «Форпост» башлыгы Тимур Камалетдинов белдерде.

«Республикада төзелгән контрактлар санын, шулай ук Татарстан һәм аның барлык халкы безнең хәрбиләргә ярдәм итү өчен башкарган эшләрне билгеләп үтәсе килә. Татарстан ир-егетләре илебез өчен батырларча көрәшә. Без исә, үз чиратыбызда, хәрбиләребезгә ярдәм күрсәтәбез», - диде Тимур Камалетдинов.

Россия Президенты Владимир Путин Татарстан Рәисе Рөстәм Миңнеханов белән очрашты. Алар махсус хәрби операциядә катнашучыларга һәм аларның гаиләләренә ярдәм итү мәсьәләләре турында фикер алышты. Шулай ук Татарстан шефлыгындагы Лисичанск һәм Рубежное шәһәрләрен торгызу темасына да кагылдылар.

Чыганак: Татар-информ