ТР Рәисе Рөстәм Миңнеханов татарстанлыларны Балаларны яклау көне белән тәбрик итте

«Балалар һәрвакыт яңа ачышларга омтыла. Бу юлда аларга ярдәм итегез! Бәйрәм белән - Балаларны яклау көне белән! Бәхет, сәламәтлек һәм уңышлар телим!», - дип язган республика җитәкчесе социалҗ челтәрләрдә.

Миңнеханов видео да урнаштырган, анда балалар төрле сорауларга җавап бирә.

Бер көнгә олы кеше булсаң, нәрсә эшләр идең?

Бу сорауга балалар үз проблемаларыбызны үзебез хәл итәчәкбез (чөнки мөстәкыйль булалар), эш эзләячәкбез дип җавап биргән. Кайбер балалар макияж ясаячак һәм тулаем алганда «нәрсә теләсәләр, шуны эшләячәкләр».

Синең тылсымлы таягың бар, нишлисең?

Бу сорауга балалар җәй озынлыгын елына 12 айга кадәр арттырачакларын, кафега бер капчык билет ясаячакларын һәм галәмгә очачакларын әйткән.

Бер миллион сумны нәрсәгә сарыф итәр идең?

Кызлар шунда ук кибеткә барабыз, су, ут өчен түлибез, тешләрне дәвалыйбыз һәм гараж сатып алабыз дип җавап биргән.

Балаларны нәрсәдән якларга кирәк?

Барлык балалар да диярлек үзләрен төрле куркынычлардан һәм рәнҗетүчеләрдән сакларга кирәк дип җавап биргән, әмма кайбер сабыйлар үз-үзебезне яклый алабыз дип раслаган.

Кешенең сине яратканын ничек аңларга?

Балалар фикеренчә, сине яраткан кеше һәрвакыт «мин сине яратам» дип әйтә, кочаклап үбә ала, тәмле ризык әзерли, әмма кайберәүләр «моны сурәтләп булмый» дип раслаган.