#Кыскача яңалыклар 05 июнь 2026, 14:57

Түбән Кама мэры эт һөҗүменнән зыян күргән 12 яшьлек кызның хәлен белешкән

05 июнь 2026, 14:57

Түбән Кама мэры Радмир Беляев бультерьер токымлы эт һөҗүменнән соң авыр җәрәхәтләр алган 12 яшьлек Диана белән очрашкан.

Скопировать ссылку

Түбән Кама мэры эт һөҗүменнән зыян күргән 12 яшьлек кызның хәлен белешкән

Бу хакта ул үзенең социаль челтәрләрендә хәбәр итте.

Мэр сүзләренчә, кызны озак вакытлы тернәкләнү көтә. Шул ук вакытта табиблар аның күрү һәм ишетү сәләтләрен саклап кала алган.

«Диана бик көчле рухлы бала. Аңа тизрәк савыгуын телим. Гаиләсе белән аралаштык, кирәкле ярдәм күрсәтелә», – дип билгеләп үткән Беляев.

Зыян күргән кызның гаиләсенә инде 100 мең сум күләмендә матди ярдәм бирелгән.

Исегезгә төшерәбез, фаҗига 16 майда булган. Бультерьер токымлы эт 12 яшьлек кызга һөҗүм иткән. Әлеге факт буенча җинаять эше кузгатылган, хокук саклау органнары тикшерү алып бара.

Кызның сәламәтлеге табиблар контролендә кала, ә шәһәр хакимияте гаиләгә ярдәм күрсәтүне дәвам итәчәген белдерде.

Кызыклы яңалыкларны күзәтеп бару өчен безнең МАХ каналына кушылыгыз.