#Кыскача яңалыклар 01 апрель 2026, 12:09

Түбән Камадагы фаҗигадән соң: һәлак булучыларның гаиләләренә – 10 млн сум, зыян күрүчеләргә – 3 млн түләнәчәк

01 апрель 2026, 12:09

Түбән Камадагы фаҗигадән соң «Нижнекамскнефтехим» предприятиесе һәлак булучыларның туганнарына 10 миллион сум күләмендә акчалата ярдәм күрсәтәчәк.

Скопировать ссылку

Бу хакта район башлыгы Радмир Беляев хәбәр итте.

Моннан тыш, предприятие җирләүне оештыру белән бәйле барлык чыгымнарны тулысынча үз өстенә алачак.

Хастаханәгә салынган зыян күрүчеләргә 3әр миллион сум түләү каралган. Шулай ук предприятие аларның алдагы реабилитациясен тулысынча финанслап, озатып барачак.

Әлеге түләүләр барлык зыян күрүчеләргә дә кагылачак — алар «Нижнекамскнефтехим» хезмәткәрләре булу-булмавына карамастан.

Түләүләр иртәгә үк башланачак, дип белдерде район җитәкчелеге.

Кызыклы яңалыкларны күзәтеп бару өчен безнең МАХ каналына кушылыгыз.