«Урта һөнәри белем» атамасы үзгәрергә мөмкин

Әлеге мәсьәләне карарга Россия Президенты Владимир Путин йөкләмә биргән.

Дәүләт башлыгы 2025 елның 25 декабрендә узган «Икътисад өчен кадрлар әзерләү» темасына багышланган Дәүләт Советы утырышы нәтиҗәләре буенча йөкләмәләр исемлеген раслаган. Шушы документ нигезендә Россия Хөкүмәтенә «урта һөнәри белем» дәрәҗәсенең атамасын яңадан карау тәкъдим ителә.

Тиешле йөкләмә Кремльнең рәсми сайтында басылып чыккан.

Белгечләр фикеренчә, атаманы үзгәртү белем бирү системасының абруен күтәрү һәм эшче һөнәрләрнең дәрәҗәсен арттыруга юнәлдерелгән булырга мөмкин.

Әлегә конкрет нинди исем тәкъдим ителәчәге хәбәр ителми. Мәсьәлә хөкүмәт тарафыннан каралачак.