Үзмәшгульләргә больничный түләүләре: кем күпме алачак?

2026 елның гыйнварында ирекле социаль иминиятләштерү программасына кушылган үзмәшгульләр больничный буенча беренче түләүләрне инде август аенда ук ала алачак. Бу хакта ТАСС агентлыгына РФ Хөкүмәте каршындагы Финанс университеты доценты Игорь Балынин хәбәр иткән.

Әгәр иминият стажы сигез ел һәм аннан да күбрәк булса, ә үзмәшгуль иминият суммасы итеп 50 мең сумны сайласа, больничный буенча максималь пособие 35 мең сум тәшкил итәчәк. Бу очракта айлык иминият кертеме 1 920 сум була.

Иминият суммасы 35 мең сум итеп билгеләнгән очракта исә максималь түләү 24 500 сумга җитәчәк. Айлык кертем 1 344 сум тәшкил итә.

Пособие күләме сайланган иминият суммасына һәм иминият стажына бәйле. Иминият стажы биш елдан сигез елга кадәр булганда түләүләр 19 600 сумнан 28 000 сумга кадәр тәшкил итәчәк. Ә стаж биш елдан ким булса, пособие күләме 14 700 сумнан 21 000 сумга кадәр булачак.