#Кыскача яңалыклар 28 ноябрь 2025, 12:50

Хезмәткәрнең премияләрен үзләштергән өчен эштән чыгарганнар

28 ноябрь 2025, 12:50

Бөгелмәдә шәһәр прокуратурасы 2 нче спорт мәктәбендә тикшерү уздырган һәм коррупциягә каршы көрәш турындагы закон бозуларны ачыклаган.

Скопировать ссылку

Татарстан прокуратурасы мәгълүматлары буенча, хезмәткәрләрнең берсенә законсыз рәвештә арттырылган премияләр өстәлгән. Әлеге акчаларның бер өлешен учреждение директоры урынбасары, хезмәт урыныннан файдаланып, үзенә алган. Законсыз алынган акчаларның гомуми суммасы 180 мең сумнан артып киткән.

Ачыкланган хокук бозулар нәтиҗәсендә прокуратура мәктәп җитәкчелегенә күрсәтмә биргән. Аны карау нәтиҗәләре буенча директор урынбасары ышанычны югалту сәбәпле эшеннән алынган.

Кызыклы яңалыкларны күзәтеп бару өчен Т елеграмга кушылыгыз.

#коррупция, ришвәт