Рөстәм Килдебәков: «Көч бар чакта эшләргә!»

Татарстанның халык рәссамы (2006), Россиянең атказанган рәссамы (2011), Татарстан Республикасының Габдулла Тукай искмендәге Дәүләт бүләге иясе Рөстәм Әхмәт улы Килдебәков үзенең 80 яшьлек гомер бәйрәмен «Хәзинә» милли сәнгать галереясында зур күргәзмә белән каршылый. Юбилей күргәзмәсе ачылышына нигездә рәссамны ярты гасыр дәвамында белгән кылкаләм осталары, чордашлары, якыннары җыелган иде. Кызганыч, авыру сәбәпле рәссамның хатыны, иҗатташы Мария Семеновна гына була алмады анда. «Күргәзмәгә әзерләнгәндә бик дулкынланган идем, инде сезнең якты йөзләрегезне күргәч, тынычландым», - дип ул мәдәният министрлыгына, Татарстанның Дәүләт Сынлы сәнгать музее, «Хәзинә» милли сәнгать галереясе коллективына рәхмәтләрен җиткерде.

Рәссам белән күргәзмәдән соң аның остаханәсендә газетаның журналисты очрашты. Әлеге язма белән тулысынча газетаның иртәгә чыгачак санында таныша аласыз.

^{Фото: art16.ru}