Татарстанда «Ел укытучысы-2026» бәйгесенең җиңүчесе билгеләнде

Татарстан Республикасында "Ел укытучысы-2026" Бөтенроссия бәйгесенең төбәк этабы җиңүчесе дип Казан шәһәре 121 нче лицееның рус теле һәм әдәбияты укытучысы Илья Тарасов табылды. 

2 урында - Чаллы 6нчы мәктәбенең тарих укытучысы Рузил Шарашев. 
3 нче урында – Спас районы Антоновка мәктәбенең химия укытучысы Мәдинә Кузьмина.

Барлыгы җиңүчеләр 7 номинациядә ачыкланды. Болар - "Ел тәрбиячесе", "Туган телдә тәрбия һәм укыту төркеме тәрбиячесе", "Ватанны саклау һәм иминлек нигезләре укытучысы", "Иң яхшы татар теле һәм әдәбияты укытучысы",  " Иң яхшы оста", "Педагогик дебют", "Ел укытучысы".

Конкурс берничә этапта узды: мәктәп турында республиканың 1800дән артык укытучысы үз көчен сынап караган, муниципаль дәрәҗәгә 900гә якын кеше чыккан, зона этабында 92 белгеч катнашкан.

Финал сынауларына 62 педагог сайлап алынган. Шуларның 41е төп номинациядә, тагын 21е «Педагогик дебют» категориясендә ярышкан. 

Төп номинациядә финалга чыгучыларның уртача яше — 37, дебют номинациясендә  - 24 яшь. «Ел укытучысы» категориясендә иң яшь катнашучыга — 25, иң өлкәненә 55 яшь. Дебютантлар арасында иң яше - 21 яшь, иң өлкәне — 27 яшь.

Бәйге «Яшьләр һәм балалар» илкүләм проекты кысаларында уздырыла.