Алар гореф-гадәтләрне саклый

Республикабызда Халык иҗаты йорты оешуга 75 ел тулды. Шул уңайдан Г.Тукай исемендәге татар дәүләт филармониясендә үткән кичәгә районнардан да мәдәният хезмәткәрләре җыелды. Россия иҗат йортыннан килгән кунак­лар күңелендә бездә оештырыла торган бәйрәмнәр онытылмаслык тәэсирләр калдыр­ган. «Монда бөтен җаннарын биреп, сокланырлык итеп, югары дәрәҗәдә эшли беләләр», - дип белдерде алар. Юбилей уңаеннан, Традицион мәдәниятне үстерү үзәгенең кайбер хез­мәткәрләренә Рәхмәт хатлары тапшырылды. Мәдәният министры урынбасары Ирада Әюпова да: «Сез - үз эшегезнең фанатлары. Сез үткән гореф-гадәтләребезне кайтарасыз», - дип юкка гына әйтмәгәндер. Үзәктә озак еллар хезмәт куйган белгечләрне дә хөрмәтлә­деләр. Аларны тәбрикләргә чит төбәкләрдән дә ки­лүләре очраклы түгел. Хез­мәткәрләр үзләре дә алар янына фестивальләр, төрле бәйрәмнәр уздырганда ашкынып бара. Республика районнарыннан тыш, бәйрәм сәхнәсендә удмурт, чуваш, мордва коллективлары да үз осталыкларын күрсәтте.