#Мәгариф 10 сентябрь 2023, 16:12

Балалар бакчасына да шалтыратмыйча гына кереп булмый, чат саен камера

10 сентябрь 2023, 16:12

Кукмара районының гомер бакый балалар бакчасына тилмергән Түбән Үрәс авылы урамнар буйлап сөенче сүз йөгергән көнне яхшы хәтерли.

Скопировать ссылку

Балалар бакчасына да шалтыратмыйча гына кереп булмый, чат саен камера

Кем дә ышанмаган мәлдә, ягъни 9 ел элек Түбән Үрәс мәктәбенә яңа директор итеп Ирек әфәнде Гайнетдинов билгеләнә. 26 ел үз сафында хезмәт иткән урта мәктәп бинасы искергән, яңарыш көтә. Тик ничек итеп һәм нинди акчага? Төзекләндерү эшләрен башлап җибәрү өчен Ирек әфәндегә шактый тырмашырга туры килә. Тау кадәрле кәгазьгә сырланган гариза-сметалар, борып чыгарылган бер ишекләрдә йөз мәртәбә бәргәләнүләр, һәммәсен дә кичерә. Нәтиҗәдә 60 тәрәзә алмашына, электр чыбыкларын яңыртыла, яңа светильник-лампалар куела. Сатып алынуы акчага, ә менә урнаштыру эшләре техник хезмәткәрләр, укытучылар белән берлектә, эш сәгатьләреннән тыш башкарыла. Фанатлар!

– Авылда балалар бакчасы юк иде. Төзекләндерү эшләренә керешкәнче, мәктәпкәчә яшьтәге балалар төркеме ачтык, ягъни балалар бакчасы. 20 урынга исәпләнгән. Мәктәпнең бер канатына фельдшерлык пункты урнашты. Аның кул астында булуына куандым гына, балалар, мәктәптәге укучылар белән ни булмас, – ди җитәкче.

Балалар бакчасы ачу да мәктәптә зур үзгәрешләр алып килгән. Ашарга пешерү, ашханә блогы яңартылган, заманчалаштырылган. Пешекчеләр өчен душка кадәр бар. Балалар бакчасына кергәч тә, хезмәткәрләр өчен булдырылган уңайлыкларны күреп, таң каласың. Кер бер бүлмәдә юыла, икенче бүлмәдә киптерелә, өченчесендә үтүкләнә. Тагын да сөендергәне – капкадан ук домофон. Балалар бакчасына да шалтыратмыйча гына кереп булмый, чат саен камералар, кыскасы Европадагыча яшиләр.

Ә иң куандырганы – балалар бакчасы булу. Балалар саны да ишле, 12 ләп! Бер нәрсә хак – урамында сабый балалар йөгергән авылның киләчәге бар!

Кызыклы яңалыкларны күзәтеп бару өчен безнең МАХ каналына кушылыгыз.