“Авыл хуҗалыгына кадрлар әзерләү безнең өстенлекле бурычыбыз булып тора”

“Татарстан Рәисенең Дәүләт Советына Юлламасында республиканың һәр мөһим тармагы: мәдәният, икътисад, авыл хуҗалыгы, мәгариф һәм  башка өлкәләрнең киләчәк үсеше өчен төп бурычлар куелды. Авыл хуҗалыгы тармагына кадрлар әзерләүче уку йорты җитәкчесе буларак, шушы өлкәдәге уңышлар өчен сөенеп утырдым. Рөстәм Миңнехановның моны ассызыклап үтүе безнең өчен зур дәрәҗә. Быел аграрийлар 4,5 миллион тонна ашлык суктырды. Иң күп икмәк биргән районнар арасында үзем эшләп киткән Арча районының булуы шулай ук горурлык хисләре тудырды. 

Рөстәм Миңнеханов үзенең чыгышында бүгенге көн өчен мөһим бурыч дип авыл хуҗалыгы продукциясен эшкәртүгә тырышлык куярга кирәклеген атады. Биш елда сөт һәм ит эшкәртү комбинатларының җитештерү куәтен 50 проценттан 84 процентка күтәрелгән. 2030 елга бурыч әлеге күрсәткечне 95 процентка җиткерү бурычын куйды.

Татарстан Рәисе авылларыбызның тел, дин, гореф-гадәтләрне саклавын ассызыклап, проектларның күп өлеше авыл үсеше белән бәйле булуын белдерде. Бүген авыл хуҗалыгында эшләргә белемле кадрлар кирәк һәм аларны әзерләү безнең өстенлекле бурычыбыз булып тора”, – дип сөйләде ул. 
Аграр уку йорты «Профессионалитет» федераль проектының «Агропрофи» юнәлешендә катнаша һәм билгеле бер уңышлары да бар. “Рөстәм Миңнеханов кадрлар белән тәэмин итү өчен студентларны киләчәктә эшкә урнаштыруны күздә тоткан максатчан укытуны да үтемле чара дип атады. Әлеге юнәлештә дә актив эшлибез. Авыл хуҗалыгы министрлыгы белән кадрлар әзерләү буенча үзәк булдыру буенча эш алып барабыз. Робот техникасы юнәлешенә игътибарны арттырдык. Пилотсыз трактор проектын үстерәбез. Кадрлар әзерләү уңаеннан бөтен булган проектларда катнашырга тырышабыз.  Рөстәм Миңнеханов әйткәнчә, кадрлар белән тәэмин итү мәсьәләсе –  дәүләт алдында торган төп бурыч”, – диде Илшат Нуриев.