#Сәясәт 17 сентябрь 2025, 16:37

Татарстан 2030 елга “ясалма акыл” кочагында калачак. Бу куркыныч хәл түгелме икән?

17 сентябрь 2025, 16:37

Казанда 17-19 сентябрьләрдә “Казан Экспо” халыкара күргәзмәләр үзәгендә “KAZAN DIGITAl WEEK 2025” халыкара форумы эшли.

Скопировать ссылку

Татарстан 2030 елга “ясалма акыл” кочагында калачак. Бу куркыныч хәл түгелме икән?

Анда 74 илдән 20 мең кеше катнаша.

– Илебездә быел “Икътисад мәгълүматы” илкүләм проекты башланып китте. Әлеге проект өчен Россия Президенты Владимир Путинга рәхмәт! – диде Татарстан Рәисе Рөстәм Миңнеханов форумның пленар утырышында. – Ясалма акыл Татарстан икътисадының төрле тармакларының мөһим өлешенә әверелде, шул исәптән сәнәгатьтә һәм авыл хуҗалыгында да. “Татнефть” компаниясе 30 меңнән артык нефть скважинасын колачлаган “Интеллектуаль казылма” проектын эшчәнлеккә уңышлы рәвештә кертә бара. “КАМАЗ” компаниясе автомат йөк машиналары җитештерүдә ясалма акыл куллана. Татарстанда җыелган пилотсыз магистраль йөк машиналары 2023 елдан башлап М-11 трассасында файдаланыла. Быелның апреленнән автомат машиналар Үзәк боҗра автомобиль юлында йөри башлады.

Татарстанда 2030 елга хәлиткеч тармаклардагы предприятиеләрнең яртысы ясалма акыл һәм акыллы җайланмалар куллануга күчәчәк, дип уйланыла. Ясалма акыл терлекчелектә һәм кошчылыкта да кулланыла. Цивилизациядә югары баскычка күтәрелүдән шикләнмәскә була икән. “Ясалма акыл кулланыла башлагач җитештерүчәнлек артты, терлекләрнең авыру очраклары кимеде”, – дип тынычландырды Рөстәм Миңнеханов.

Республикада узган ел электрон рәвештә 35 миллион хезмәт күрсәтелгән. Татарстан Рәисе Рөстәм Миңнеханов сөйләгәнчә, республикада 500 информатика укытучысы үз эшчәнлегендә ясалма акылдан файдалана. Бу мөмкинлек барлык укытучыларга да тудырылачак. Казан“Акыллы шәһәр” проектында ясалма акылны актив куллана, дип әйтте Татарстан Рәисе.

Россиянең цифрлы үсеш министры Максут Шадаев үзенең чыгышында Татарстанның электрон технологияләрне куллануда әйдаман төбәкләрнең берсе булганлыгын билгеләп үтте.

– Дәүләт хезмәт күрсәтүләре порталы аша 1нче сыйныфка язылып була. Россиянең инде барлык төбәкләрендә дә балаларның көндәлекләренә электрон кушымта кертелде. Быелның 1 сентябреннән уку материалларының бердәм базасы эшләтеп җибәрелде. Электрон көндәлек мәгълүматлары нигезендә уку йортларына керү сервисы булдырылды. Дәүләт хезмәт күрсәтүләре порталында Пушкин картасы эшли, – диде Максут Шадаев.

Форум кысаларында ясалма акыл, кибериминлек, цифрлы индустрия, тармакларга цифрлы технологияләрне кертү темаларына секция утырышлары бара. “Казан Экспо”да цифрлы технологияләр күргәзмәсе эшли.

Кызыклы яңалыкларны күзәтеп бару өчен Т елеграмга кушылыгыз.

‹ ›