“Аптечка”ны ничек дөрес тутырырга?

Аны ничек дөрес итеп җыярга соң?

Дарулар, препаратлар һәм башка төрле медицина ярдәме күрсәтә торган җиһазлар (ысуллар) тупларга алынгансыз икән, гаилә әгъзаларының сәламәтлеге белән бәйле булган проблемаларны гына түгел,  елның төрле сезоннарын  да исәпкә алырга кирәк. Чөнки аларның һәркайсының үз үзенчәлекләре бар. Мәсәлән, җәй көне ризык белән агулану, кояшта пешү очраклары еш була, ә бакчада эшләгәндә еш кына бәрелеп, тән күгәрә яисә тырнала, киселергә дә мөмкин. 

Кышын, иң беренче чиратта, салкын тию белән бергә туңуны һәм бозлавыкка егылудан имгәнүләрне исәпкә алырга кирәк.Бу күңелсезлекләрнең күбесен өй шартларында нәтиҗәле хәл итәргә мөмкин. Барлык кирәкле чаралар кул астында булса, әлбәттә. 

Шул ук вакытта ,даруларны сайлап алуның аерым игътибар таләп итүен аңларга кирәк. Ике мөһим кагыйдә бар, аларны  онытмаска кирәк.

Беренчедән, “аптечка”ны ярты елга бер тапкыр яңартырга киңәш ителә. Бу яраклылык срогы чыккан препаратларны барлаудан тыш, бетеп бара торган дарулар запасын тулыландырырга да ярдәм итә. 

Икенчедән, даруларны саклау шартларын үтәргә кирәк. Алар гадәттә тышлыкта һәм куллану буенча инструкциядә язылган була. 
Кирәкле даруларның, чараларның исемлеген төзегез:беренче ярдәм турында онытмагыз гаиләгезнең үзенчәлекләрен исәпкә алыгыз. Бу препаратларның үз нәтиҗәлелеген саклап калуын һәм кирәк вакытта ярдәмгә килергә әзер булуларын гарантияли.

Аптечкагызны уйлап җыегыз, һәм ул теләсә нинди ситуациядә ышанычлы ярдәмче булачак. Дарулар җыелмасы максималь файдалы булсын өчен,  берничә өстәмә киңәш.

Аңа температураны төшерүче, ялкынсынуга каршы дарулар, аллергиядән дарулар, шулай ук яраларны бәйләү материаллары һәм антисептиклар кебек төп даруларны салыгыз; аптечкага төрле җәрәхәтләр һәм авырулар вакытында беренче ярдәм күрсәтү буенча инструкцияләрне куегыз. Бу сезгә ашыгыч хәлдә тиз һәм ышанычлы эш итәргә ярдәм итәчәк.
Әгәр сезнең балаларыгыз, өлкән яшьтәге кешеләр яки хроник авырулы кешеләр бар икән, нәкъ менә аларга кирәк булырга мөмкин специфик препаратлар өстәгез. 

Фото: https://ru.freepik.com/