Тынлык аша сөйләшкән хисләр: Фәрид Яруллин турында спектакль тамашачыны елатты

Әмма шул ук вакытта алар аның тормыш юлын яшерми, киресенчә, ихлас һәм нечкә итеп ача.

Спектакльдә композиторның балачактан ук катлаулы язмышы күрсәтелә: әти-әнисенең аерым яшәве, үзенең гаилә коруы – барысы да артык драмага бирелмичә, җылы һәм матур итеп тасвирлана.

Куелышның гомуми рухы моңсулык белән сугарылган. Аеруча тетрәндергеч мизгелләрнең берсе – Фәрид Яруллинның әнисе Нәгыймә белән очрашуы. Композитор үзе бу хакта “сәгатьләр буе сөйләшеп утырдык” дип искә алса да, режиссёр бу күренешне сүзсез биргән.

Сәхнәдә Раушан-Фәрид белән Рәзинә-Нәгыймә каршы-каршы утыра. Аларның күзләрендә – яшь, ә сүзләр юк. Әмма нәкъ менә шул тынлык аша иң көчле хисләр ачыла.

Иң әһәмиятлесе – әйтелмәгән сүзләр, сиздерелмәгән тойгылар. Ана назыннан мәхрүм үскән композитор бу мизгелдә кабат сабыйга әйләнгәндәй тоела.