Җәвит Шакировның кайгысын уртаклашабыз

Бу хакта ул социаль челтәрдәге язылучыларына хәбәр иткән. - Бу безнең әнкәй белән соңгы фотога төшү буласын күз алдына да китермәгәнбез икән. Безнең кайтуга сөенә-сөенә чәйләр әзерләп, өстәл артына утыргач авылдагы бөтен яңалыкларны сөйләп чыгар иде дә, залга чыккач балаларны, оныкларны сораштырыр иде. Юлга озатканда минем исемнән күчтәнәчләр алырсыз дип, оялып кына акчасын учка салыр иде. “Әнкәй кирәкми”, - дисәң, “Юк балам, бу миннән күчтәнәч өчен генә, сезнең оныклар аңа мохтаҗ түгелдер, сез аны нәнәгездән диеп бирегез”,- ди торган иде.Хәзер генә шуларны искә төшереп, барлап утырабыз. Берни дә эшләп булмый икән, бар да Ходай кулында. Соңгы кайтуда гына әле 90 яшеңне дә җыелышып уздырырга язсын дип, сөйләшеп утырган идек. Урының оҗмаһ түрләрендә булсын, әнкәй. Тыныч йокла. Соңгы кайтуымда язган , Уйлар шигыренең, ахырын, соңгы юлларын язганда куңел барыбер нидер сизә иде...-Тик кузгала алмыйм, әйтерсеңдә,Кутәрмәслек йөк бар иңемдә.Шомлы урам төсле куңел дә...Безнең дә ут сүнсә нигездә,Шул уйлардан,Әллә нишләп киттем үзем дә...05.12.25.Шул сүзләрне язасым килми озак уйланып утырган идем.Ник яздым икән дип уземне хәзер битәрлим - дип яза артист. 

Җәвит Шакиров үги әнисе тәрбиясендә үскән бала. Аның үз әнисе ул әле кечкенә булганда ук бакыйлыкка китеп барган.

 -Иң өлкәнебезгә - 11, ә миңа нибары биш кенә яшь иде. Әти үзенә иптәшкә, балаларына әни булырдай биш хатын алып кайтып карады, әмма безгә, шук балаларга, берсе дә түзмәде. Ә менә алтынчы булып төшкән әни, Аллаһыга шөкер, безне үз балаларыдай тәрбияләүче үги әни булды. Бик усал һәм таләпчән иде, әмма бер дә кыерсытканы булмады. Без дә аңа бер дә "үги" дип эндәшмәдек. Тиешле тәрбия бирде: мәктәптә, техникумда укытты, армиягә озатты, өйләнгәндә дә үзенең зур өлешен кертте. Өстебез һәрвакыт бөтен, чиста һәм пөхтә булды. Укытучылар безне үрнәк итеп куйганнары әле дә хәтердә.

Әниле булгач, гаиләбез тагы да ишәйде: бер сеңел белән бер энебез туды. Бишебез дә бик тату булдык. Төпчегебез Ләйсән әни белән яши, алар бергә булгач, без тыныч, - дип искә алган иде Җәвит Шакиров. Җәвит Шакировның һәм якыннарының тирән кайгысын уртаклашабыз.