Гөлназ Шәрипҗанова: "Исән булса, әти белән аралашыр идем"

-    Гөлназ, әңгәмәне әти-әниеңнең (әнисе җырчы Светлана Сабирова – Ред.) тарихыннан башлыйк әле. Алар аерылышканда, син бик кечкенә булгансың. Ни өчен юллары аерылган?

-    Элек кызлар иртә кияүгә чыккан бит. Иптәш кызлары кияүгә чыгып беткәч тә, әнидән “син кайчан чыгасың инде?” дип сорый башлаганнар. Әни Азнакай районы Карамалы авылында Илнур исемле егет белән танышкан. Гади эшче булса да, бик чибәр егет булган ул. Бер ел тирәсе очрашып йөргәннән соң, әни 25 яшендә кияүгә чыккан. Әтигә дә 25 яшь булган. Әни тугызынчы сыйныфтан соң, Түбән Кама шәһәренең музыка училищесын тәмамлаган. Азнакайның музыка мәктәбендә укыткан, параллель рәвештә Мәдәният йортында оркестрда уйнаган. Сүз уңаеннан, Салават Миңнеханов аның укучысы булган. Әти авыл егете булгач, әнинең бу эшен өнәп бетермәгән, эшен ташлап, идән юучы булып эшләргә кушкан. Миңа бер яшь булганда, әти белән әни аерылышкан. Әни мине Карамалыда әти-әнисенә калдырып, Казан дәүләт мәдәният институтына сессиягә йөргән. Мин – әби тәрбиясендә үскән кыз.

-    Әтиеңнең икенче гаиләсе булган дип беләм...

-    Әни белән аерылышканнан соң, әти башка хатынга өйләнгән. Әти ягыннан Гөлнур исемле сеңлем белән Илсур исемле энем бар. Үз тормышымда аларны ике-өч тапкыр гына күргәнем бар, әмма аралашканыбыз юк. Күңелгә ошамаганы шул булды: миңа алимент түләмәс өчен, хатыны аның белән аерылышып, әти алиментны өч балага бүлеп түләгән. Алар бергә яшәде. Бу гамәл миңа аз акча түләр өчен махсус эшләнде. Шушы хәлне белгәнгә күрә, әтинең кайда, ничек яшәве белән кызыксынганым булмады. Яңа елга эшеннән миңа бирелә торган бүләкне әбиләргә кертеп калдыра торган булган. 

-    Әтиең белән очрашканың булдымы?