#Шоу-бизнес 01 сентябрь 2021, 16:23

Марат Шәйбәков: "Рөстәм Закировтан алып кайткан сортны бөтен авыл утырта"

01 сентябрь 2021, 16:23

Башкортстанның атказанган артисты Марат Шәйбәковның кызы быел тәүге тапкыр мәктәп бусагасын атлап кергән.

Скопировать ссылку

Марат Шәйбәков: "Рөстәм Закировтан алып кайткан сортны бөтен авыл утырта"

Башкортстанның атказанган артисты Марат Шәйбәковның кызы быел тәүге тапкыр мәктәп бусагасын атлап кергән.

“Быел кызым Ралинә беренче сыйныфка укырга керде. 1 сентябрьгә кадәр мәктәпкә репетициягә - шигырь сөйләргә йөрдек. Улыбыз Марсель 10нчы сыйныфка барды. Балаларыбыз исән-имин укысын.

Башкортстанның Балтач районы Түбән Карыш авылында бәрәңге алдык. Уңыш әйбәт булды. Әбинең бәрәңгесе гел эре була. Сорты да нинди бит әле! Казаннан Рөстәм Закировтан алып кайтып утырттым. Хәзер бөтен авыл шул бәрәңгене утырта.

Яңа җырлар әзерлим, яңа программа өстендә эшлим. Октябрьдән гастрольләргә чыгарга җыенам, Аллаһ боерса. Казан тамашачысы белән 20 октябрьдә күрешәчәкбез”, - диде Марат Шәйбәков.

Кызыклы яңалыкларны күзәтеп бару өчен Т елеграмга кушылыгыз.