«Мин сине шундый озак көттем, дидем...»: Римма Никитина серле егетен каршы алган
Күптән көткән очрашулары, ниһаять, сәгатен көтеп җиткерде – Римма Никитина махсус хәрби операциядә катнашучы егетен каршы алды. Егет кайтты бит! Исән генә, чибәр генә! Без күрдек, бәхетләренә сөендек.
Күптән көткән очрашулары, ниһаять, сәгатен көтеп җиткерде – Римма Никитина махсус хәрби операциядә катнашучы егетен каршы алды. Егет кайтты бит! Исән генә, чибәр генә! Без күрдек, бәхетләренә сөендек.
Ләкин Римма әлегә егетен киң җәмәгатьчелеккә күрсәтмәү яклы.
– Бәхет дигән төшенчә бит ул кеше күзеннән яшергәнне ярата. Хәзергә барысын да ачып саласым килми. Минем болай да эчемдәге тышымда, әни элек тә: “Алдан кычкырган күкенең башы ярыла, диләр, син шул инде...” – дип әйтә торган иде. Чынлап та, куанычымнан алдан сөйләп куям да, аннары ул чынга ашмый да кала. Гел шулай. Ә менә монысын сөйләмим әле. Бер-беребезгә әйтелгән сүзләрне дә, хисләремне дә йөрәгемә генә бикләп саклыйм, ачуланмагыз. Күз тиюдән куркам, – ди Римма.
Шулай да серләрен берникадәр чишә алдык. Егетенә каршы йөгереп килеп, иңнәренә сарылган кыз беләсезме, беренче сүзе итеп, нәрсә дигән?!
– Мин сине шундый озак көттем, дидем. Бик матур розалар бүләк итте. Һәм... Йөзек! Ул әлегә матур савытында тора, бармагыма кимәдем дә. “Матурым, мин сине бик яратам, беркемгә дә бирмим!” – диде ул. Очрашкач та җавап бирәм дигән идем аңа. Әлегә җавап бирмәдем. Тагын бераз вакыт сорадым. Җете кызыл тиз уңа диләрме әле? Хисләрнең кайнар чагы, икебез дә бер утта без. Мин аны үзем дә бик ошатам, нык ошый ул миңа, ул да баш-аягы белән миңа гашыйк. Кайткан көнне үк гаиләсе белән таныштырды. Ишекне ачкач та мине кочаклап алдылар бу гаиләдә. Апасы әйтә: “Ул син дип яши бит”, – ди. Үзе дә: “Син – минем дөньям”, – ди.
– Алгы сызыкта чагында да үзеңә ни кадәр бүләкләр җибәрде. Рәхмәт әйттеңме?
– Әйттем! Син мине шул кадәр зурладың, мәйтәм. Әле бит бу тормышыбызның башы гына, ди. Безнең киләчәккә корган уртак планнарыбызны, ниятләребезне белсәгез икән!.. Бүләк иткән йөзеген интернетка да куймадым, мактана дип гаеп итәрләр, дидем. Ул кайткан көннән бирле без гел бергә. Бүген ул документлары белән йөри, чөнки китмәскә дип кайтты, контракт нигезендә хезмәт итте. Ә мин менә Мәскәүгә җыенам. Соңгы көннәрдә Казан белән Мәскәү арасындагы юлда яшим, тормышымда бик мөһим көннәр. Мәскәүдә нинди эшләр майтарып йөрүемне сөйләмим, күз тиюдән куркам. Ә егетем мине Мәскәүдән барып алам диде.
– Кавышсагыз икән! Эшләр туйга борылыш ала кебек түгелме?
– Мин сине беркемгә дә бирмим ди – төп сүзе. Шуннан чамалагыз инде.
– Әниең белән таныштырдыңмы әле?
– Әни инде ул кайтканнан бирле аптырата. Йөзен генә булса да фотога төшереп җибәр кияүнең ди. Сабыр ит, дидем аңа да. Барысы да үз вакыты белән!
– Римма, бәхетеңне кулдан ычкындырма, яме.
– Җырчы Лилия Хәмитова да, Римма, бу синең күптән көткән бәхетең бит, ди. Егетем дә, синең өчен генә кайттым, алдагы юлларыбыз – бер, ди.
– Кайчан конкрет җавап бирәсең?
– Өченче йөзек алып килгәч!
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Киңәш сандыгы
Йөзек кия беләсезме?
-
#Интервью
Илдар Хәйруллин: «Чибәрлек туйда кирәк, ә сәнгатьтә бер генә үлчәү бар – талант»
-
#Кыскача яңалыклар
Алексей Песошин БПЛА һөҗүменнән соң Түбән Камага килде
-
#Авыл
Үзе интернетка чыкмый, әмма видеолары бөтен дөньяга тарала: гармунчы Гөлфия апа тарихы
-
#Сорау-җавап
Дога язылган бөти тагу ширек саналамы? Имам җавабы
Комментарийлар
0
0
Мэскэугэ оченче йозек белэн барыр шикелле.
0
0
0
0
римма кияүдә түгел иде мени әле ул. Кит аннан
0
0
0
2
Язмасы башлана Мин сине шундый коттем..Беренче кызыксындырды.. Но Але до конца укып беткач, эллэ нинди уйлар башка килде. Егетка суз юк, а мена Кызга. Либо ул егет не яратмый, И ОЧЕНЧЕ ЙОЗЕК подарить итканен котам диган. Мында вообще как я поняла, 3 егет белэн дус. Икесе ЙОЗЕК бирде, хазер Мэскауга барып ЙОЗЕК артыннан бара. Значит САЙЛАНА
0
0
1
0
Йозек биргяч нишляп кимяскя, мактанып интернетка язмаска иде, сайлана конечно!
0
0
2
0
Ерилэр инде узлэренэ Бэя куйдырып,бу егеткэ башка Кыз беткэн микэн,монда егет кенэ гашыйк булган походу,мескен,кызнын сулэуе буенча бик нык ошый гына...контрактник ,акчасы бик нык ошыйдыр...
0
0