Татарстанның халык артисты ИлСаф: «Дусларча ярышып алдык»

Ярышта Раяз Фасыйхов, Искәндәр Хәйруллин, Рөстәм Закиров , Илдус Габдрахманов та катнашкан. 

– Ватанны саклаучылар көненә берәр уен оештырасы килгән иде. Рамазан ае булгач, нинди спорт төрен сайларга да белмәдем. Чаңгы шуарга, волейбол уйнарга хәл җитмәскә дә мөмкин. Барыбер су эчәсе киләчәк. Шуңа бераз тынычрак спорт төре дип бильярд уйнарга булдык. Әмма анда да бераз йөгерергә туры килде. Дусларча ярышып алдык. Рөстәм Закиров җиңү яулады. Аңа бүләккә үзем хезмәт иткән җирдән чын хәрби телняшка бүләк иттем. Минем хәрби хезмәт өч елга сузылды, Камчаткада үтте. Алга таба да мондый ярышлар үткәрербез дип уйлыйм. Бәлки, 8 март алдыннан хатын-кызлар да бу ярышка кушылыр, - дип сөйләде җырчы.