Җырчы Айсылу Габдинова икенче тапкыр әни булган

 "Кызлы булдык. Кыз әнисе булу – иң зур хыялларымның берсе иде, Аллага шөкер", –  дип язган Айсылу үзенең социаль челтәрләрдәге сәхифәләренең берсендә. Котлыйбыз!

Бәби көтүе турында сөйләшеп алганда, Айсылу үзен тулысынча гаиләсенә багышлавы турында сөйләгән иде: «Бала табу куркытмый, 2 яшьлек улыма игътибар әзрэк эләгер дип кенә борчылам. Ул да сабый әле. Минем белән янәшәдә булуым бик мөһим. Йөклелек чорында ук сабыйларның һәрберсенә вакытны ничек бүлергә, Арысланга  игътибарны тиешенчә ничек биреп бетерергә дип уйлыйм. Җырчы буларак, чыннан да, аз эшли һәм ижат итә башладым, ләкин сәхнәдән "югалудан" курыкмыйм. Бәхет сәхнәдә генә түгел. Сәхнә – ул бизнес. Гел зур акча кертеп, күренеп торырга кирәк. Әлегә минем аңа җитәрлек энергиям дә, акчам да юк. 1,5 ел элек өйгә күчендек, аның белән шөгыльләнәбез. Эшләгән акчаны шунда кертәбез. Бик тырыштык, рәхәтләнеп яшәр өчен барысы да бар диярлек», дигән иде ул.

Тагын укырга: Җырчы Айсылу Габдинова: «Ирем – минем беренче мәхәббәтем»