Җырчы Ләйлә Галиева «фонограммага җырлый» дигән сүзләрне суд аша хәл итәргә җыена
Популяр җырчы Ләйлә Галиева социаль челтәрләрдә таралган видеолар аркасында хокукый чаралар күрергә җыенуын хәбәр итте.
Популяр җырчы Ләйлә Галиева социаль челтәрләрдә таралган видеолар аркасында хокукый чаралар күрергә җыенуын хәбәр итте.
Аның сүзләренчә, Шыгырданда мәҗлестә чыгыш ясаган вакытта төшерелгән видеоларда аның «фонограммага» җырлавы турында чынбарлыкка туры килмәгән мәгълүмат таратыла.
Ләйлә Галиева: «Тере тавышка башкаруымны раслый торган видеолар бар»
Җырчы социаль челтәрләрдәге язылучыларына бу мәсьәләне халык алдында бәхәскә кермичә, хокук кысаларында хәл итәргә теләвен белдергән.
«Социаль челтәрләрдә Шыгырданда мәҗлестә чыгыш ясавым турында видеолар төшерелгән. Аларда чынбарлыкка туры килмәгән мәгълүмат таратыла, шул исәптән мин “фанерага”, “фонограммага” җырлый дигән», — дип язган Ләйлә Галиева.
Җырчы үзенең тере тавышка башкаруын раслаучы видеолар булуын да әйткән.
Видеолар авторына судка кадәр шикаять җибәрелгән
Ләйлә Галиева сүзләренчә, видеолар авторына судка кадәрге шикаять җибәрелгән. Ул видеоны социаль челтәрдән алып атарга һәм таралган мәгълүматны кире кагарга тиеш. Җырчы шулай ук әлеге хәлгә бәйле барлык материалларның суд өчен теркәлүен хәбәр иткән.
Җырчы хокукый дәгъва әзерли
Ләйлә Галиева үз язмасында Россия Федерациясе Гражданнар кодексының 152нче маддәсенә, Җинаять кодексының 128.1нче маддәсенә һәм Административ хокук бозулар турындагы кодексның 5.61нче маддәсенә нигезләнеп дәгъва әзерләнүен белдергән. Ул шулай ук Шыгырдандагы мәҗлестә булган һәм аның чыгышын тере тавышка башкаруын раслый алган кешеләрне үзе белән элемтәгә керергә чакырган.
- Җырчының белдерүенчә, ул бу мәсьәләне социаль челтәрләрдә ачык бәхәс рәвешендә түгел, ә хокукый юл белән хәл итәргә ниятли.
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Кыскача яңалыклар
⚡ Татарстанда коточкыч авария: күп балалы әтинең гомере өзелгән, хастаханәдән дә кайгылы хәбәр бар...
-
#Язмыш
«Дүрт баласы бар бит аның, дүрт!» — әниләрен ялгыз калдырган балаларга авылдан мөрәҗәгать
-
#Кыскача яңалыклар
Миңнеханов медицина персоналы белән тәэмин ителешне кимендә 80 процентка җиткерергә кушты
-
#Авыл
Үрдәкләр хуҗаларыннан китәргә теләми
-
#Кыскача яңалыклар
Татарстанда 500дән артык өлкән кеше “Актив озын гомер” программасына җәлеп ителгән
Комментарийлар
4
0
Элекеге туйлар,бергяляшеп жырлый торган туйлар сагындырды инде.
0
0
1
0
Бер жырыда матур тугел элекеге лэйлэ тугел инде кутен болай да кутен болгай
0
0
3
0
Их, башка эшләре һәм хәсрәтләре юк дияргә генә кала
0
0