Җырчыларыбыз нәрсә ашарга ярата?

Бу – бәхет гармоннары! Популяр җырчыларыбызны исә нинди ризык бәхетле итә ала? Кайсы ашамлыкны алар бик үк өнәп бетерми? Барысын да белештек, хәзер барысын да сөйләрбез.

Зөфәр Хәйретдиновның яраткан ризыклары байтак булып чыкты, әмма алар арасында да “фаворит”лар бар. “Гел сагынып, яратып ашый торган ашамлык ул – бәлеш һәм үзем пешергән коймак. Коймак – минем “фирменный” ризыгым! Кәбестә ризыкларын һәм гөбәдияне бик үк яратып бетермим”, – ди җырчы! 

“Иттән башка тора алмыйм” – дип конкрет рәвештә җавап кайтарды Фирдүс Тямаев. “Стейк, шашлык ише ризыкларга мин үлеп гашыйк”, – дип ассызыклый ул.

Әнвәр Нургалиев исә тормышын ипидән башка күз алдына китерә алмый. “Яратмаган ризыкларым күп түгел, әмма бар. Карабодайны җенем сөйми”, – ди ул.

“Яратмаган ризыгым юк, балык һәм эремчектән башка яши алмыйм сыман. Бер диетада сөт ризыкларын алып ташлаганнар иде, көчкә түздем”, – ди дөрес туклану буенча ас җырчы Дилә Нигъмәтуллина. 

Зәйнәб Фәрхетдинова бөтен төр ризыкларны да ярата булып чыкты, җырчының җене сөймәгән ашамлыгы юк. “Иписез, итсез тормышымны күз алдына китермим, тик куян итен ашый алмыйм. Үземә яңа, катлаулы ризыклар пешереп карау бик ошый, мисал өчен, том-ямны оста әзерлим”, – дип елмая ул. 

Сиринә Зәйнетдинова исә брокколи кәбестәсен яратмый. “Әни пешергән токмачлы ашны көн саен ашар идем. Якын кешеләребез – әниләребез тагын озын-озак еллар янда булсыннар һәм тәмле ашлары бн сөендереп торсыннар”, – ди җырчы. 

“Мин сайланып утырмыйм, биргәнне ашыйм”,– дип шаярта Ризат Рамазанов. Тик аңа карамастан, җырчы бәрәңге боламыгы, котлет ише ашамлыкларны аеруча ярата икән, ә

Зинира, киресенчә, бөтен төр ашка да үлеп гашыйк. “Мин – борчак ашын һәм боткасын, ә Зинира – дөгеле ризыкларны ашый алмый”, – дип өсти гаилә башлыгы. 

Ризат Рамазанов сыман Илназ Баһ та борчак боткасын һәм ашын яратмый булып чыкты. “Мин итле ризыкларга гашыйк. Уха ашын да бик яратам. Иң яраткан десертым – “медовый” торт ” – дип ассызыклый җырчы.