Зәйнәб Фәрхетдинова белән Зөфәр Билалов гаиләсе килен төшерде
Татарстанның халык артистлары Зәйнәб Фәрхетдинова белән Зөфәр Билалов гаиләсендә бүген никах мәҗлесе гөрләде! Уллары Булатны (сәхнәдәге исеме - АкБулат) өйләндереп, килен төшерделәр.
Татарстанның халык артистлары Зәйнәб Фәрхетдинова белән Зөфәр Билалов гаиләсендә бүген никах мәҗлесе гөрләде! Уллары Булатны (сәхнәдәге исеме - АкБулат) өйләндереп, килен төшерделәр.
Әти-әни бәхетенә тиенгән җырчыларның киленле булу шатлыгын без дә уртаклаштык.
– Казанда өйләнешүче яшьләр күп булганга, никах көне якшәмбегә, ягъни бүген көнгә билгеләнде. “Ирек” мәчетендә әле генә никах укытып чыктык. Мәҗлес табыны “Тантана” ресторанында әзерләнгән. Киленебез Әдилә исемле. Булат белән күптән очрашалар иде. Кодагыйларыбыз Гөлнара белән Илдар Зәй ягыннан. Балаларыбызның матур тормыш итүләренә куанып, бергә тату яшәргә язсын, – ди Зәйнәб ханым.
Мәҗлескә артык күп кеше чакырмаганнар. Табынга иң якын туганнары гына җыелган. Җәмгысе 30 лап кеше, ди җырчы. Әдиләне һөнәре белән сәхнәгә бәйле түгел, әмма шәп эше бар, диделәр. АкБулат сөйгәне Әдиләгә тәкъдимне Берләшкән Гарәп Әмирлекләрендә ял иткәндә, «Бурдж-Хәлифә» манарасы янында ясаган
Яшьләрне ихластан котлыйбыз! Ерак картлыккача тигезлектә яшәсеннәр. Никахлары гомерлек, ә хөрмәтле җырчыларыбызга оныклар, оныкчыклар сөяргә насыйп булсын.
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Авыл
4 мең фермерның яртысы гына эшли: Татарстан авылларында хәлләр ничек?
-
#Интервью
Фирүзә: “Йә дүртенче бала табам, йә эшкә чыгам”, – дидем”
-
#Җәмгыять
Татарстан Республикасы Рәисе Рөстәм Миңнехановның Ватанны саклаучылар көне уңаеннан мөрәҗәгате
-
#Киңәш сандыгы
Ирләр бүләккә нәрсә көтә?
-
#Мәгариф
Гомер китабының 55 нче бите: галимә Гөлфия Һадиевага – ихтирам һәм соклану
Комментарийлар
1
0
Амииин
0
0
1
0
Наконец
0
0
2
0
нигэ туфлилэрен кимэгэннэр? матур тугел
0
0