Ана капиталын фатир өчен кулланып буламы?

Казан шәһәре Яңа Савин районы Пенсия фондының социаль түләүләр бүлеге җитәкчесе Венера Төхвәтуллина:
– Әлбәттә, ана капиталы хисабыннан айлык түләләрне алган очракта, аннан теләсә кайсы вакытта баш тартырга мөмкин. Моның өчен Пенсия фонды бүлегенә килеп, гариза белән мөрәҗәгать итәргә була. Айлык түләүләр гариза тапшырганнан соң, киләсе айның беренче көненнән туктатыла. Ана капиталының калган өлешен теләсә кайсы юнәлештә кулланырга була. Шул исәптән гаиләнең торак хәлләрен яхшыртуга: торак сатып алу, йорт төзелешенә юнәлдерү өчен алынган кредит яисә ипотеканы да ана капиталы белән капларга мөмкин.