Эшләүчеләрнең пенсияләре, эштән киткән очракта, индексацияләнәчәк, диләр. Индексация ничә процент булыр икән?

 – Эштән киткән очракта, пенсиягез индексацияләнәчәк. Моның өчен пенсия бүлегенә өстәмә документлар тапшырырга кирәк түгел. Билгеле булганча, пенсионерларның пенсия акчалары 2016 елда – 4 процентка, 2017 елда – 5,4 процентка, 2018 елда 3,8 процентка артты. Эштән киткән очракта, сезгә бу индексацияләр барысы да ясалачак. Арткан пенсияне сез эштән киткәннән соң, өч ай узганнан соң алырга хаклы.

Сорауга Татарстан Пенсия бүлегенең Вахитов районында пенсияне исәпләү, билгеләү бүлекчәсе җитәкчесе Алсу Мәрдиева һәм белгеч, матбугат үзәге җитәкчесе Галина Габдрәшитова җавап бирде. 

фото - pixabay.com