Фатирны бер көнгә бирергә ярыймы?

Халык арасында торакны арендага биреп тору өлкәсендәге канунга үзгәрешләр кергәннән соң, фатирларны бер тәүлеккә арендага бирергә мөмкин булмаячак, дигән сүзләр ишетелгәләде шул. Әмма Россиянең төзелеш һәм торак-коммуналь хуҗалыгы минис­тры урынбасары Никита Стасишин хәбәр иткәнчә, хөкүмәтнең яңа карары гражданнарның фатир арендалауга булган хокукларын чикләми. РИА Новости агентлыгы язганча, монда төп басым торак биналардан файдалану кагыйдәләренә ясалачак. Гражданнар кодексы буенча, фатир хуҗасы мөлкәтен үзе теләгәнчә файдаланырга хокуклы, шулай ук вакытлыча арендага да бирә ала.