#Сорау-җавап 31 май 2018, 13:55

Кош-корт өчен субсидия ничек түләнә?

31 май 2018, 13:55

Шәхси хуҗалыклар кош-корт сатып алган очракта, субсидия түләнә дип ишеткән идек. Аның шартлары турында аңлатыбрак язмассызмы икән? Зәмирә Галлямова, Әтнә.

Скопировать ссылку

Татарстанның Авыл хуҗалыгы һәм азык-төлек министрлыгының матбугат хезмәткәрләре аңлатуынча, быел да республикада хуҗалыкларның кош-корт бәпкәләре сатып алу чыгымнарының бер өлеше өчен субсидия түләнә.

Ул бер каз һәм күркә бәпкәсенә – 100, үрдәк бәпкәсенә – 80 сум, бройлер чебиенә 30 сум исәбеннән бирелә. Шул ук вакытта субсидия күләме кош-корт сатып алу бәясенең (транспорт чыгымнарыннан тыш) яртысыннан артык була алмый. Субсидия түләүнең кайбер шартлары да бар. Моның өчен бәпкә-чебиләрне Татарстан территориясендә теркәлгән кошчылык хуҗалыкларыннан алырга кирәк. Кошлар бер айдан зуррак булырга тиеш түгел. Шәхси хуҗалык сатып алган кош-кортның саны 50дән 100 башка кадәр булу һәм аларны билгеле бер вакыт дәвамында (бройлерлар һәм үрдәкләр – 2 ай, казлар һәм күркәләр – 4 ай) асрау мөһим.

Субсидия алу өчен кирәкле документларны авыл хуҗалыгы һәм азык-төлек идарәсенә тапшырырга кирәк.

Кызыклы яңалыкларны күзәтеп бару өчен Т елеграмга кушылыгыз.