Пенсия фонды сораган «код сүзе» нәрсә ул?

Киров районы пенсия бүлеге белгече Вера Гордеева аңлатуынча, Пенсия эше материаллары турында телефоннан конфиденциаль характердагы консультация алу өчен, гражданин яшерен код сүзен кулланып мәгълүмат тапшыру турында гариза язарга тиеш.

Гражданин Пенсия фондының «кайнар элемтә» номерына яки контакт-үзәк белгечләренә мөрәҗәгать иткәндә аның шәхесен ачыклау өчен, исем-фамилиясен, паспортын, шул исәптән яшерен кодны да сорая­чаклар. Бу гражданинга ышанычлы, дөрес мәгълүмат бирү өчен кирәк.