Чүп-чар тапшырып, акча эшләп була

Казанда чүп тапшырган өчен акча бирә торган махсус урыннар ачылган, дип ишеткән идек. Бу чынлап та шулаймы? Кайларга чүп тапшырырга мөмкин?

Айгөл Сафина, Казан.

Казанда, чынлап та, икенчел чимал җыю урыннары ачылды. Монда кәгазь, картон, шешә, полиэтилен торбалар һәм башка кирәкмәгән чүп‑чар тапшырырга мөмкин. Махсус хезмәткәрләр, кешенең алып килгән чүбен үлчәп, билгеләнгән тарифлар буенча акча түли. Әйтик, алюмин банкаларның килосы 40 сум тора. Бу иң кыйммәтлесе булып санала. Хәзер мондый икенчел чимал эшкәртү пунктлары Казанда дүрт җирдә урнашкан: Яңа Савин районында, Универсиада авылында, икесе - Идел буе районында. Быел тагын шундай 12 павильон ачарга ниятлиләр.