Кайчан мәктәп әзер була?

Җиңү Проспекты урамы, 212нче йорт тирәсендә төзелеш эшләре башланды. Биредә мәктәп булырга тиеш дигәннәр иде. Күпкатлы йорт салалар икән дигән хәбәрләр дә йөрде. Нәтиҗәдә, нәрсә төзи башладылар икән?

Айрат Сабиров, Казан

Татарстанның Мәгариф һәм фән министрлыгыннан алынган мәгълүматлар буенча, биредә 1224 балага исәпләнгән мәктәп төзи башлаганнар. Монда бассейн да булыр дип көтелә. Мәктәпне куллануга тапшыру вакыты, анда нинди юнәлештә укытылачагы әлегә билгесез.

Сорау, гозер, тәкъдимнәрегезне безгә 8(917) 851-69-62 һәм 8(843) 562-50-03 номерлары аша шалтыратып җиткерә аласыз. «ШК» сезне тыңлый!