“Наполеон” торты каян барлыкка килгән?

«Наполеон» тортының француз императоры белән турыдан-туры бәйле булуын ишеткәнегез булдымы икән? Әлеге десертның рецепты 1912 елда ук туган. Ул вакытта "Наполеон" пирожный булган. Шул вакытта Россия Мәскәүнең французлардан азат ителүенең 100 еллык юбилеен бәйрәм иткәннәр. Махсус киемнәр тегелгән, витриналар бизәлгән, патриотик шигырьләр язылган. Кулинарлар да «социаль заказ»га битараф калмаган. Эчемлекләр, ризыкларга "тарих" кушылган. Берничә юка катламнан торган һәм баллы крем белән сыланган пирожный барлыкка килгән. Квадрат формасындагы тәмлүшкә диагональ буенча киселгән, ягъни өчпочмак формасына кертелгән. Ә исемен «Наполеон» дип кушканнар. Лермонтов та «Воздушный корабль» балладасында «Аңарда өчпочмак эшләпә һәм соры поход сюртугы» дип язып калдырган. Хәзер әлеге пирожный торт булып йөри, аның каравы исеме сакланган.

^{Фото videorecept.biz сайтыннан алынды}