«Нечкәбил»нең ярымфиналы узды
«Президент белән бергә» иҗтимагый хәрәкәте «Казан - Арена» стадионында «Нечкәбил» Татарстан гаиләләре фестиваленең ярымфиналын уздырды.
«Президент белән бергә» иҗтимагый хәрәкәте «Казан - Арена» стадионында «Нечкәбил» Татарстан гаиләләре фестиваленең ярымфиналын уздырды.
Республика җитәкчелеге ярдәме белән әлеге фестиваль инде 11нче тапкыр уздырыла. Оештыручылар әйтүенчә, бу гаилә гореф-гадәтләре, милли мәдәният үзешчән сәнгать бәйгесе Татарстан лидеры Рөстәм Миңнехановның дәүләт - ул гаилә тезислы программасын гамәлгә ашыруга юнәлтелгән.
- Без нык гаиләләребез булуы белән, гаилә кыйммәтләре, буыннар бәйләнеше, Татарстанда рухи һәм әхлакый нигезләр булуы белән көчле, - ди "Президент белән бергә" хәрәкәтендә катнашучы, "Нечкәбил" проектының җитәкчесе Изольда Жуйкова.
Ярымфиналга республикадан 47ләп гаилә җыелган иде. Ел саен традиция буенча гаиләләр үзләренең аш-суга осталыкларын да күрсәтергә тиешләр.
Өч бала анасы, инде дәү әни дә булырга өлгергән Минзәләдән Энҗе Хәкимовага көч биреп торырга 40 туганы килгән.
- Без гаиләдә дүрт буын тату яшибез, үзебезнең шаҗәрә китабы да бар, анда узган гасырда яшәгән әби, бабайларыбыз да язылган, - ди Энҗе. Алар нәселендә бөтен хатын-кызлар да элеккеге татар технологиясе буенча чигү эшләре белән шөгыльләнә.
Кунаклар һәм ярымфинал катнашучылары өчен ярминкә дә оештырылган иде. Анда җыелган акчаны Анжела Вавилова исемендәге балалар хосписына юллаячаклар. Әлеге хәйрия проекты «Президент белән бергә» иҗтимагый хәрәкәте һәм «Нечкәбил» бәйгесе дирекциясе тарафыннан оештырыла.
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар