«Сайлауларда катнашачакмын: киләчәктә дә ана капиталы гамәлдә булсын, социаль ипотека саклансын дип телим»

– Казанда 2005 елдан, тумы­шым белән Мамадыш районының Түбән Ушма авылыннан. Сайлауларга җаваплы карыйм, сентябрь аенда Россия Дәүләт Думасына сайлауларда да катнашачакмын. Мин киләчәктә дә ана капиталы гамәлдә булсын, социаль ипотека алымындагы торак төзелеше саклансын дип телим. Мәдәният сарайларында, шулай ук паркларда татар яшьләре өчен мәдәни чараларны даими оештырырга кирәк.

Гөлназ Сәйфетдинова, тележурналист:
- Кайбер урамнарда яшеллек өстендә корган агачлар, төрле чүп-чар өелеп ятуы шәһәребезнең ямен җибәрә. Казан, гомумән алганда, чиста-матур, әлбәттә. Быел илебезнең көньягындагы диңгезгә барырга уйлаган идем, хыялларымны чынга ашыру киләсе елга калды бугай. Ял көннәрем Балык Бистәсе районындагы туган авылым Иске Арышта узды. Сайлауларга барачакмын, җәмгыятьтән аерым яшәргә җыенмыйм.

Айназ Сөбхандуллова, аспирант:
- Казанда фән белән шөгыльләнү өчен мөмкинлекләр гаять зур. Кайгырту аз, дип, әйтүчеләрне хаклы димәс идем. Үзеңә актив булырга кирәк, өй эченнән чыкмаган «профессорны» аны кем белсен. Казанда миңа бар нәрсә дә ошый һәм җитә. Менделеев районында яшәүче туганнарым гына җитми. Мин укытучы­эзләнүче белгечлеге үзләштерәм. Балалар фәнни әсәрләрне компьютердан түгел, ә китаптан укысыннар иде.