Александр Радулов: “Җиңү китерү өчен тырышачакмын”

“Ак Барс” хоккейчылары ялдан чыкты һәм 15 июльдә Казанда сезонга әзерлекне башлап җибәрәчәк. Шушы көннәрдә Александр Радулов белән рәсми килешү дә игълан ителер, мөгаен. Хоккейчы инде гаиләсе белән Казанга килеп тә җитте – матбугат хезмәте шул хакта белдереп, социаль челтәрдә фотолар урнаштырды.
– “Ак Барс” минем белән максималь дәрәҗәдә кызыксынуын белдерде, биредә шартлар да яхшы, – дип белдергән Радулов “Матч-ТВ”га үзенең Казанга күченүе турында. – Гадәттә шулай була: вариантларны карыйсың һәм сайлана башлыйсың. Кайда сиңа җылырак мөнәсәбәт сизелә, кайда сине ныграк күрергә телиләр – шул вариантка тукталасың. “Ак Барс” нәкъ менә шундый зур кызыксыну күрсәткән клуб булды. Командага җиңү китерү өчен тырышачакмын.

Фото: https://t.me/hc_akbars