Алия Казанга киләчәк, диләр

Спорт гимнастикасы буенча Олимпия чемпионы Алия Мостафинаның Казан Универсиадасында катнашуы икеле иде. Шушы көннәрдә генә хастаханәдән чыккан спортчыга табиблар чыгыш ясарга рөхсәт итми, дигән хәбәр таралды башта. Әмма соңрак җыелма команданың өлкән тренеры Евгений Гребенкин күңелләрдә өмет уятты. «Табиблар кызның сәламәтлегенә җитди проблема янамый дигән карарга килгән. Спортчы кыз Казанга киләчәк. Алиянең нинди физик формада булуына карап, ахыргы карарны кабул итәчәкбез», - дип белдерде ул.