Айнур Сыртаев - халыкара, Фәрхәт Фәйзуллин - Россиянең спорт остасы

Июль ахырында Татарстанның тагын өч көрәшчесенә "Россиянең спорт остасы" исеме бирелде. Россиянең спорт министры Олег Матыцин кул куйган фәрман нигезендә Динар Кәримуллин, Илшат Таһиров һәм Фәрхәт Фәйзуллин да әлеге исемгә лаек булды.

Шулай ук билбаулы көрәш буенча да мактаулы исемнәр бирелгән. Әйтик, Башкортстаннан Айнур Сыртаев хәзер билбаулы көрәш буенча Россиянең Халыкара класслы спорт остасы исемен йөртәчәк. Татарстаннан Андрон Абдуллин белән Гөлия Мөбәракшина да "международник"лар булып санала хәзер.

Котлыйбыз!