Динияр әти булды

Мәскәүнең «Спартак» клубы һәм Россия җыелма командасы уенчысы Динияр Билалетдинов әти булды. Футболчы бу хакта үзенең Twitterдагы микроблогында хәбәр итә. «Малай! 3,660 кг, 54 см», - дип яза ул.
Динияр узган елның июнендә ЦСКА баскетбол клубының элеккеге биючесе Мариягә өйләнгән иде.
Билалетдиновлар гаиләсе өчен 2012 ел башыннан ук үзгәрешләргә бай булды. Динияр Англиянең «Эвертон» командасыннан Мәскәү «Спартак»ына күчте.