Корбан Бердыев Татарстан Президенты белән очрашты

«Рубин»ның үсеш стратегиясен билгеләү өстендә эшләүчеләр Универсиададан соң җыелачак, ә команданы җыйнау һәм аны Европа лигасының сайлап алу раундына әзерләү буенча сораулар попечительләр советы һәм өлкән тренер белән очрашуда хәл ителде.
Җәй көне «Рубин» составын көчәйтү өстендә эшләячәк. Быел Казан командасына беренче булып «Кубань»нан ярымсакчы В.Кулик килде. Ул әлегә хәтле килешүе озайтылмаган Б.Натхоны алыштыра алыр дип көтелә. Натходан тыш, 1 июльдән ирекле агентлар рәтенә һөҗүмче В.Дядюн белән ярымсакчы А.Рязанцев керәчәк.