Швед белән ЦСКА да куркыныч түгел: УНИКСның күптән көтелгән җиңүе

Казан УНИКСы мавыктыргыч очрашуда 76:75 исәбе белән Мәскәүдән килгән ЦСКАны җиңде. Шушы җиңү нәтиҗәсендә, Казан командасы үз лигасында беренче урынга менде.

Уен алдыннан тамашачылар өчен "Мизгел" бию театры чыгыш ясады.

УНИКС составында иң күп очконы Джален Рейнольдс һәм Маркус Бингэм җыйды (23 очко).  Соңгысына исә, октябрьнең иң яхшы уенчысы дигән бүләк тапшырдылар. 

ЦСКАның баш тренеры  Андреас Пистиолис уен барышында УНИКСның баш тренеры  Велимир Перасович белән чагыштырганда тынычрак иде. Велимир үз чиратында һәр эпизодта үз хис- кичерешләрен яшермәде. Уены бармаган баскетболчыларны алыштырды. 

Соңгы чирек алдыннан УНИКС бер очкога артта калып барды. Әмма җанатарлар алга куганда җиңелергә ярамаганны, баскетболчылар үзләре дә аңлый булса кирәк. Командага яңа гына күчкән Алексей Швед хәлиткеч ике тупны кертте. Җанатарлар аны җылы алкышлар һәм матур плакатлар белән каршы алды.

Уенда Татарстанның спорт министры Владимир Леонов һәм Рубинның баш тренеры Рәшид Рәхимов та катнашты. Очрашуның башында алар икесе ике җирдә булсалар, уенның икенче яртысында исә бергә утырып, паркетта барган хәлләрне сөйләштеләр.

УНИКСның киләсе матчы 19 ноябрь көнне Енисей командасына каршы булачак.

Илнар Камаев