Бүген УНИКС Красноярскийдан килгән «Енисей» командасын кабул итте.
Очрашу 88:74 исәбе белән тәмамланды – Казан командасы файдасына. Бу нәтиҗә аларга лигада беренче урынны саклап калырга ярдәм итте.
Бу уенга кадәр командаларның хәле түбәндәгечә иде: УНИКС узган уенны ЦСКАны җиңеп, ВТБ Бердәм лигасында беренче уенга чыкты. Ә «Енисей» үз чиратында, 4 уен рәттән җиңеп килде.
Паркеттагы өстенлекне беренче минуттан ук УНИКС баскетболчылары үз кулларына алдылар. Легионерлар дуэты – Маркус Бингэм (23 очко) һәм Джален Рейнольдс (26 очко) әлеге уенда иң күп очко җыйды. Алексей Швед исә паркетта үзен дирижер кебек хис итте. Швед уенда булганда, һәрбер һөҗүм аның аша узды.
Тискәре яклар арасында: соңгы чирек алдыннан уңышсыз 3 очколык ату мөмкинлекләре. Уенчылар мондый төр мөмкинлек белән файдалансалар да, күпчелеге максатына ирешә алмады. Ә менә «Енисей» уенчылары 3 очколы тупларны ешрак кертте. Әмма дүртенче чиректә бу мәсьәлә чишелде, 3 очколык туплар ешрак керде. Боҗра астына төшкән тупларны да УНИКС уенчылары үзләренә ешрак ала иде һәм бу аларга уңышлы һөҗүмнәрне күбрәк башларга ярдәм итте.
УНИКСның киләсе уены 22 ноябрь Пермьдә урнашкан Молот командасына каршы булачак.
Илнар Камаев
Фото УНИКС сайтыннан.
Кызыклы яңалыкларны күзәтеп бару өчен Телеграмга кушылыгыз.
Комментарийлар