Юлыбызда – «Трактор»

Казанның «Ак Барс» хоккей клубы Уфаның «Салават Юлаев»ын җиңгәннән бирле, үзенә көндәш көтте. Өченче көн Магнитогорск «Металлург»ы авыр көрәштә Астананың «Барыс»ын җиңгәннән соң, казанлыларның Чиләбе «Трактор»ы белән очрашачагы билгеле булды. Матчлар 14, 16 мартта - Чиләбедә, 18, 20 мартта - Казанда, кирәк булган очракта, 22, 26 мартта - Чиләбедә, 24 мартта Казанда узачак. Көндәшләр даими чемпионатта дүрт мәртәбә очрашты. Өчесендә «Трактор», берсендә «Ак Барс» җиңде. Плей-оффта җиңү чираты казанлылар тарафында булсын иде дип телисе килә.
Гагарин кубогының башка чирекфиналлары:
СКА (Санкт-Петербург) - «Атлант» (Мәскәү өлкәсе);
«Торпедо» (Түбән Новгород) - «Динамо» (Мәскәү);
«Авангард» (Омск) - «Металлург» (Магнитогорск).