Татарстанда күпме балага симерү диагнозы куелган?

Шул ук вакытта медицина вәкилләре рәсми саннар реаль вазгыятьне чагылдырмый дип билгели. Тән авырлыгы белән проблемалары булганнар бермә-бер күбрәк.

Гомумән, Татарстанда эндокринолог күзәтүенә алынган балалар саны арта бара. Бигрәк тә мондый төр авырулар яшүсмерләр арасында күп булуы борчый. 14 яшькә кадәрге балаларның 6 процентында эндокрин система белән бәйле тайпылышлар күзәтелсә, үсмерләрнең 20 проценты, ягъни һәр бишенчесе белгечләр күзәтүенә алына. Калкансыман биз патологиясе һәм тазару – бу юнәлештәге иң төп проблемалар булып тора.

Татарстан Сәламәтлек саклау министрлыгының баш штаттан тыш балалар эндокринологы Мария Шәйдуллина сүзләренчә, симерү ул – косметик проблема гына түгел, ә пациентның яшәү сыйфатын һәм дәвамлылыгын киметә торган фактор да. Артык тән массасы шикәр авыруы барлыкка килүгә сәбәп булып тора, бавыр зыян күрә, кан басымы күтәрелеп, йөрәк-кан тамырлары авырулары барлыкка килә, торак-хәрәкәт системасы зур йөкләнешкә дучар була. Үсмерләрдә шулай ук бу репродуктив система өлгерү процессы бозылуга китерә. Алга таба бу репродуктив функцияләрдә тискәре чагылыш табарга мөмкин.

Фото: freepik.com