#Сәламәтлек 22 гыйнвар 2025, 14:42

Сәламәтлек саклау өлкәсе ФАПларга һәм табибларга баеган

22 гыйнвар 2025, 14:42

2024 елда Татарстанда 54 фельдшерлык-акушерлык пункты, 1 табиб амбулаториясе (Казанның Борисоглебское бистәсендә), 2 поликлиника (Казанның «Салават күпере» микрорайонында һәм Түбән Камада) ачылган.

Скопировать ссылку

Сәламәтлек саклау өлкәсе ФАПларга һәм табибларга баеган

82 ФАПта, 9 табиб амбулаториясендә, 16 амбулатор- поликлиника учреждениесендә капиталь төзекләндерү булган.

Кадрлар мәсьәләсе дә уңай якка үзгәрә. 2024 елда табиблар рәтен 320 белгеч тулыландырган , урта медицина хезмәткәрләре исәбе 500гә арткан.

Гомумән алганда, сәламәтлек саклау тармагының төп көче узган елда профилактик эшчәнлеккә юнәлдерелгән. Бу үзенең уңай нәтиҗәләрен биргән. Ирешелгән уңышлар белән Татарстан сәламәтлек саклау министры Марсель Миңнуллин йомгаклау коллегиясендә таныштырды.

Кызыклы яңалыкларны күзәтеп бару өчен безнең МАХ каналына кушылыгыз.