#Сәламәтлек 18 гыйнвар 2022, 13:47

Тәмәкене ташласаң тазарасың: мифмы, әллә чынмы?

18 гыйнвар 2022, 13:47

Тәмәке тартуны ташлаганнан соң күп кешедә артык авырлык барлыкка килә. Шуны истә тотып кайберәүләр тәмәкедән баш тартмау яклы. Әмма үпкәләргә зыян килү хакына да онытмаска кирәк.

Скопировать ссылку

Тәмәкене ташласаң тазарасың: мифмы, әллә чынмы?

Тәмәке тартуны ташлаганнан соң кеше ашавын контрольдә тотмаган очракта 2 килога, ә хатын-кызлар 3 килога артырга мөмкин. Дөрес, элеккеге тартучыларның 10 проценты 10 килога кадәр тазару очраклары да бар. Ә диета тоткан очракта ул килограммнар барлыкка килмәячәк.

Сүз уңаеннан, тәмәкене озаграк еллар тарткан саен авырлык җыю рискы да зуррак. Тәмәкене ташлаганнан соң кеше 3 ел эчендә генә тазара, ди табиблар.

Тәмәке ташлаучы ни өчен тазара? Беренчедән, аның аппетиты яхшыра, метаболизмы акрыная. Моннан тыш организмда майлар күчешендә катнаша торган липопротеинлипаз дигән матдәләр активлашу белән дә бәйле.

Тәмәкене баллы конфетлар белән “алмаштыру” да авырлык артуга китерергә мөмкин. Табиблар тартуны ташларга карар кылган кешеләргә беренче атналарда никотинлы спрейлар, пластырьлар кулланырга тәкъдим итә. Алмаштыру терапиясен кулланмаучыларның 5 проценты тәмәкене бернинди проблемаларсыз ташлый алса, дарулар ярдәмендә тәмәке ташлаучылар 40-50 процентка җитә. Пластырьлар, спрейлар аппетитны да киметүгә сәләтле.

Әгәр дә тәмәкене ташларга уйлыйсыз икән, табиб белән киңәшләшеп, үзегезгә туры килә торган терапияне сайлагыз.
Ашау гадәтләрегезне карагыз. Баллы әйберләр урынына алма, кишер ашарга мөмкин.
Спорт белән шөгыльләнегез. Бу артык калорияләрне яндырырга ярдәм итә.
Акыл һәм тән өчен шөгыль уйлап табыгыз. Бу тәмәке турында уйлардан арынырга ярдәм итәчәк.

Лилия Хәсәнова әзерләде.

Фото: https://pixabay.com/ru

Кызыклы яңалыкларны күзәтеп бару өчен безнең МАХ каналына кушылыгыз.