Фәрит Мөхәммәтшин адресына котлау телеграммалары килә

Котлау сүзләрен РФ ФС Федерация Советы Рәисе Валентина Матвиенко җиткергән. "Сезнең үткәнегездә җаваплы һәм мөһим эш тәҗрибәсе, Татарстан Республикасы исеменнән күп кенә әһәмиятле казанышлар тупланган, – диелә телеграммада, – Сез үзегезне искиткеч профессионал, сүзендә тора торган кеше буларак таныттыгыз, Сезнең өчен җиңә алмастай кыенлыклар юк, якташларыгыз мәнфәгатьләренә тугры хезмәт итү төп тормыш ориентирлары булды һәм булып кала. Сез республиканың социаль-икътисади потенциалын тормышка ашыруга ярдәм итүегезне дәвам итәрсез дип ышанам».

"Төбәк алдында торган сайлаучылар мәнфәгатьләрен яклаучы мәсьәләләрне законнар аша хәл итеп  Сез Татарстан Республикасы үсешенә зур өлеш кертәсез, – дип билгеләп үткән РФ ФС Дәүләт Думасы Рәисе Вячеслав Володин үзенең котлау телеграммасында, – уңышлар, сәламәтлек һәм эшләрегезнең уң булуын телим». 

"Күп еллар Сез Татарстан Дәүләт Советының алыштыргысыз Рәисе һәм «Бердәм Россия» Бөтенроссия сәяси партиясенең төбәк бүлеге Секретаре булып торасыз, бу Сезнең туган республикага һәм илгә файдалы булырга чын күңелдән омтылуыгызны күрсәтә, – дип басым ясый Татарстан Республикасы Рәисе Рөстәм Миңнеханов, - Сезгә, тәҗрибәле дәүләт һәм иҗтимагый-сәясәт эшлеклесенә, бүгенге көндә алып барылган зур эшләрне гамәлгә ашыру өчен бетмәс илһам, көч һәм энергия, барлык максатларга ирешүдә уңышлар телим, алар, ышанам ки, һәрвакыт безнең яраткан Татарстанның һәм аның халкының иминлеге белән бәйле».

 "Бу истәлекле көнне Сезгә җаваплы эшегездә зур уңышлар,  нык сәламәтлек, иминлек телим, – диелә Казахстан Республикасы Парламенты – Мәҗлесе Рәисе Ерлан Кошановның котлау адресында, – Казахстан белән Татарстан арасында Казахстан белән Россиянең стратегик партнерлыгы принципларына нигезләнгән дуслык мөнәсәбәтләре динамик үсеш алачагына ышанам».   

Дәүләт Советы Рәисе Фәрит Мөхәммәтшин адресына субъектларның дәүләт хакимияте закон чыгару (вәкиллекле) органнары җитәкчеләреннән, Россия Федерациясе төбәкләре башлыкларыннан, РФ Федераль Союз Дәүләт думасы депутатларыннан, Казанда аккредитацияләнгән чит илләрнең дипломатик вәкиллекләре җитәкчеләреннән котлау телеграммалары килүен дәвам итә.