Рөстәм Миңнеханов: махсус операциядә катнашучыларның балалары Яңа ел чараларын оештыруда игътибар үзәгендә булырга тиеш

«Алда торган яңа ел чаралары кысаларында мобилизацияләнгән гражданнарның һәм үз бурычларын үтәүче ирекле хәрбиләрнең балаларын аерым игътибар үзәгенә алырга кирәк. Республика дәрәҗәсендә аларны яңа ел чараларына: 5-11 сыйныф укучыларын - "Татнефть Арена" да республика Яңа ел чыршысына, 1-4 сыйныф укучыларын - Казан Кремлендә Яңа ел тамашаларына чакыру турында карар кабул ителде», - дип билгеләп үтте Рөстәм Миңнеханов.

Шулай ук киңәшмә кысаларында ТР Президенты Яңа ел каникуллары темасына да тукталды. «Балаларның кышкы каникулларында ялларын оештырырга, спорт һәм мәдәни чаралар программасын әзерләргә кирәк", - дип ассызыклады Рөстәм Миңнеханов.

ТР Президенты матбугат хезмәте.